ბოსტნეულის ხვეულა

September 4, 2013, 2:41 am

≫ Next: გრძელი კაბები ბათუმის ქუჩებში

≪ Previous: კინო ბათუმში

$

0

0

ბოსტნეულის ხვეულა, დასამზადებლად მარტივი, ვიტამინებითა და სასარგებლო ნივთიერებებით სავსე, დიეტურ-ვეგეტარიანულ-სამარხვო კერძი, Foodography-სგან. 

მასალა:

ლავაში

სალათის ფოთლები

კომბოსტო

ბულგარული წიწაკა

ხახვი

ოხრახუში

ზეითუნის ზეთი

მარილი

პილპილი

ბოსტნეულის ხვეულა

მომზადება:

იღებთ ლავაშს, აყრით სალათის ფოთლებს, წვრილად დაჭრილ კომბოსტოს, ბულგარულს 1ც, ხახვს1ც, ოხრახუშის რამდენიმე ღეროს დაუჭრელად, ასხამთ ზეითუნის ზეთს, მარილს, პილპილს. გადაახვევთ, გაჭრით ორად.

პ.ს. ბოსტნეული შეიძლება საღამოს გარეცხოთ, გააშროთ და ჰერმეტულად შეინახოთ დილისთვის.

გემრიელად მიირთვით

---

გრძელი კაბები ბათუმის ქუჩებში

September 5, 2013, 2:30 am

≫ Next: FAITHLESS 20 სექტემბერს თბილისში გამართავს კონცერტს

≪ Previous: ბოსტნეულის ხვეულა

$

0

0

მუდამ მოდური და აქტუალური გრძელი კაბები ბათუმში მყოფ დამსვენებლებიც გარდერობშიც აქტუალურია ქართული სპეციფიკით, ნაცრისფერ-არამკვეთრი ფერებით. 

ფოტო: - გურამ კაპანაძე

ბათუმი

 

ბათუმი

ბათუმი

ბათუმი

FAITHLESS 20 სექტემბერს თბილისში გამართავს კონცერტს

September 5, 2013, 3:34 am

≫ Next: ჯაყოს მიზნები და არალეგალური კოსმონავტიკა

≪ Previous: გრძელი კაბები ბათუმის ქუჩებში

$

0

0

უამინდობის გამო ჩაშლილი ბრიტანული ელექტრონული ბენდის კონცერტი, რომელიც Batumi summer set-ის ბოლო დღეს იყო დაგეგმილი და ამ ფესტივალის მთავარ მოვლენად ითვლებოდა, 20 სექტემბერს, თბილისში, ლისის ტბის მიმდებარე ტერიტორიაზე, ყოფილ ქარხანასთან გაიმართება. 

20 სექტემბერს, ისევე როგორც 24 აგვისტოს დაგეგმილ კონცერტზე,  ჯგუფ “FAITHLESS”-ის გარდა, ქართველი არტისტები  -VAKO KEY & VAKO T; MAO & THE MINS; GIO SHENGELIA & SIKHA გამოვლენ სცენაზე.  ყველას, ვისაც უკვე აქვს ნაყიდი ბილეთი ან აბონემენტი, ივენთზე დასწრება მისი საშუალებით შეეძლება.

Faithless

კონცერტზე დასასწრები ბილეთების შეძენა 10 სექტემბრიდან ფილარმონიის სალაროებში იქნება შესაძლებელი და 35 ლარი ეღირება, აქვე შეეძლებათ ბილეთების დაბრუნება იმ პირებს, რომლებსაც ბათუმში დაგეგმილი კონცერტისთვის ქონდათ ნაყიდი ბილეთი და თბილისში კონცერტს არ დაესწრებიან. უკან არ ბრუნდება მხოლოდ სამდღიანი აბონემენტების მფლობელების ბილეთში გადახდილი თანხა.

ჯაყოს მიზნები და არალეგალური კოსმონავტიკა

September 6, 2013, 6:39 am

≫ Next: 10/09/13

≪ Previous: FAITHLESS 20 სექტემბერს თბილისში გამართავს კონცერტს

$

0

0

მხატვრული ტექსტის მახვილგონივრული ინტერპრეტაცია და არალეგალური კოსმონავტიკა ელბაქიძის აღმართიდან. 

10/09/13

September 10, 2013, 4:49 am

≫ Next: პომიდვრის ბურთები

≪ Previous: ჯაყოს მიზნები და არალეგალური კოსმონავტიკა

$

0

0

10 სექტემბრის მთავარი მოვლენები, რომლების მიმართაც  Facebook-ის მომხმარებლები განსაკუთრებულ ინტერესს იჩენენ:

- თბილისის ქუჩებს დაერქვათ ვეფხისტყაოსნის გმირების სახელები; ამიერიდან შეიძლება თქვენ იცხოვროთ დავარის, ჭაშნაგირის ან მულღაზანზაროს ქუჩაზე.
- კვირის პალიტრის ჟურნალისტი უკმაყოფილოა ლაშა ბაქრაძის საქციელით, კერძოდ მას შემდეგ რაც თითქმის ყველა საინფორმაციო სააგენტომ გაავრცელა ლაშა ბაქრაძის Facebook-ის პირად გვერდზე განთავსებული ცოლისა და შვილის ფოტო, ლიტერატურის მუზეუმის დირექტორმა უარი უთხრა ხსენებულ ჟურნალისტს კომენტარის გაკეთებზე ;
- პრეზიდენტობის კანდიდატ გიორგი მარგველაშვილს ძალიან უყვარს ბავშვის სუნი;

- ჩინოვნიკები, რომლებმაც საჩუქრად მიიღეს Batumi Summer Set-ის ბილეთები, მათ უკან დაბრუნებას და თანხის ანაზღაურებას ითხოვენ ფილარმონიის სალაროებთან;
- ვან გოგის აქამდე უცნობი ნახატი აღმოაჩინეს.

პომიდვრის ბურთები

September 11, 2013, 4:03 am

≫ Next: 11/11/13

≪ Previous: 10/09/13

$

0

0

პომიდორის ბურთები საზაფხულო, ადვილად მოსამზადებელი მსუბუქი კერძია Foodorgraphy-სგან. მასალა:

პომიდორი – 2. ც.

არაჟანი – 1 ს.კ.

პაპრიკა

ნიორი

ოხრახუში

ყველი

ზეითუნის ზეთი

მომზადება:

ორი  პომიდორი გარეცხეთ და მოაჭერით თავი, კოვზით ამოასუფთავეთ რბილობისგან (შეინახეთ რაიმე სადილისთვის), პატარა ჯამში აურიეთ 1 ს.კ არაჟანი, პაპრიკა, მარილი, 1/2 კბილი დაჭყლეტილი ნიორი, 1ჩ.კ დაჭრილი ოხრახუში, 1 ს.კ გახეხილი ყველი.
ცხიმწასმულ ცეცხლგამძლე ჭურჭელში მოათავსეთ პომიდვრები, მოასხით ცოტა ზეითუნის ზეთი, გაანაწილეთ არაჟნიანი მასა და დაატეხეთ კვერცხი. კვერცხს მოაყარეთ მარილი და პაპრიკა.
აცხვეთ 180 გრადუსზე მინიმუმ 15 წუთი, კვერცხის მზაობა შეამოწმეთ ჩანგლით, ან სულაც ნუ გამოაცხობთ ბოლომდე, თუ თოხლო კვერცხი გიყვართ.

11/11/13

September 11, 2013, 5:45 am

≫ Next: ზღვისფერი მოდა ბათუმში

≪ Previous: პომიდვრის ბურთები

$

0

0

11 სექტემბრის მნიშვნელოვანი მოვლენები Facebook-ის ქართველი იუზერებისთვის:

-  კალიფორნიაში კომპანია “Apple”–ის ორი ახალი პროდუქტის iPhone 5S და Phone 5C –ის პრეზენტაცია გაიმართა. iPhone 5s-ის მთავარი სიახლე თითის ანაბეჭდის სენსორია, რომელიც სისტემაში შესაშვებად მფლობელის იდენტიფიცირებას ახდებს, iPhone 5c კი, რომელსაც პლასტმასის უკანა მხარე და ფერების  ფართო არჩევანი აქვს,  შედარებით დაბალფასიანი პროდუქტი იქნება;

- ბათუმობა 2013-სთვის გამოყოფილმა თანხამ 260 000 ლარი შეადგინა. აქედან 30 000 ლარი ვახშმებისთვის დაიხარჯა.

- გაიხსნა ამერიკული რესტორნების ქსელი ვენდის პირველი ობიექტი საქართველოში, რომლის გახსნასაც წინ უწრებდა კურთხევა.

 

ფოტო: – Anit Aah

-  ნანა ექვთიმიშვილისა და სიმონ გროსის ფილმი, “გრძელი ნათელი დღეები” შერჩეულია ევროპის კინოაკადემიის ნომინაციაზე.  ფილმის ქართული პრემიერა 19 სექტემბერს გაიმართება.

ზღვისფერი მოდა ბათუმში

September 12, 2013, 5:14 am

≫ Next: 12/09/13

≪ Previous: 11/11/13

$

0

0

ლურჯი ფერი ამშვიდებს სხეულს და გონებას, ქმნის უსაფრთხოების და ნდობის ატმოსფეროს;

ჯინსი მოხერხებული და პრაქტიკულია ნებისმიერ სიტუაციაში, არასოდეს არ გადადის მოდიდან.

სწორედ ლურჯი ტონალობასა და ჯინსის სამოსში გამოწყობილი ადამიანები მოხვდნენ Port ave-ს ობიექტივში.

 

ფოტო: – გურამ კაპანაძე

ბათუმი

ბათუმი

ბათუმი

ბათუმი

---

12/09/13

September 12, 2013, 6:21 am

≫ Next: Hollywood Smile

≪ Previous: ზღვისფერი მოდა ბათუმში

$

0

0

12 სექტემბრის მნიშვნელოვანი მოვლენები, რომლებიც Facebook_ის ქართველი იუზერების ყურადღების ცენტრში მოექცა. 

• ტელეკომპანია “იმედსა” და “რუსთავი2″-ში ბომბის არსებობის შესახებ გავრცელებული ინფორმაციის შესახებ ორივე ტელეკომპანიიდან ევაკუაცია მოხდა. განცაში ცრუ აღმოჩნდა. პოლიციამ უკვე დააკავა ცრუ განგაშში ეჭვმიტანილი პირი. 
• ცნობილი გახდა ბათუმის VIII საერთაშორისო საავტორო კინოს ფესტივალის სრული პროგრამა. ფესტივალი გიორგი დანელიას ბოლო ფილმით გაიხსნება. 

Hollywood Smile

September 13, 2013, 2:30 am

≫ Next: 13/11/13

≪ Previous: 12/09/13

$

0

0

თინათინ შურღაიას ახალი სიმღერა, Hollywood Smile. თინათინი ახალგაზრდა შემსრულებელია, რომელიც ერთი წელიც არ არის, რაც ქართულ მუსიკალურ სივრცეში გამოჩნდა, მაგამ უკვე მოახერხა გარკვეული აუდიტორიის შეკრება. 

13/11/13

September 13, 2013, 7:07 am

≫ Next: ცხოვრება “ოცნების ქალაქში”

≪ Previous: Hollywood Smile

$

0

0

13 სექტემბრის მნიშვნელოვანი მოვლენები, რომლებიც Facebook_ის ქართველი იუზერების ყურადღების ცენტრში მოექცა: Twitter-ი აქციებს ყიდის, მოსკოვში ორალური სექსის სკოლა გაიხსნა, ქუთაისის ყოფილი მერი კი სავარაუდოდ განათლების სისტემაში გადავა. 

• რუსეთში ორალური სექსის შემწავლელი კურსები გაიხსნა. საკუთარი უნარების გაუმჯობესება გოგონებს მოსკოვში 3500 რუბლად (რაც დაახლოებით 200$-ს შეადგენს) შეუძლიათ. 

 

• ქუთაისის ყოფილი მერის სამსახურიდან გათავისფლების განცხადება მოიპოვა newspress.ge-მ. განცხადებაში წერია, : - ”გთხოვთ, გაითვალისწინოთ, რომ საკუთარი ნებით დავტოვო ჩემს მიერ დაკავებული თანამდებობა”. ამავე სააგენტოს ცნობით, დიმიტრი კოპალიანი ქუთაისის მერობის შემდეგ შესაძლოა განათლების სისტემაში გადავიდეს სამუშაოდ. 
• Twitter-მა საკუთარი აქციების გაყიდვა გადაწყვიტა, რაც მოსალოდნელი იყო სილიკონის ველზე Facebook_ის მსგავსი გადაწყვეტილების შემდეგ.

ცხოვრება “ოცნების ქალაქში”

September 13, 2013, 7:30 am

≫ Next: ქოლგიანი მთავრობა

≪ Previous: 13/11/13

$

0

0

ომისა და მშვიდობის გაშუქების ინსტიტუტმა გადაიღო ფილმი მაღალმთიანი აჭარის მაცხოვრებლებზე, რომლებიც ყოფილ სამხედრო ბაზაზე უკანონოდ შესახლდნენ. მეწყერსაშიში ზონიდან მიტოვებულ ტერიტორიაზე თვითნებურად გადმოსახლების მთავარი მიზეზი უსაფრო გარემოში ცხოვრების სურვილი და მთავრობის წარმომადგენლების ყურადღების მიქცევაა. 

ქოლგიანი მთავრობა

September 16, 2013, 5:55 am

≫ Next: გოგონა, პოლანსკის ჩრდილ ქვეშ

≪ Previous: ცხოვრება “ოცნების ქალაქში”

$

0

0

16 სექტემბრის მნიშვნელოვანი მოვლენები, რომლებიც Facebook_ის ქართველი იუზერების ყურადღების ცენტრში მოექცა: მუსულმანი გოგონების სილამაზის კონკურსი, ქოლგიანი ჩინოვნიკები და განათლების პრობლემები ახალი სასწავლო წლის დასაწყისში. 

• ინდონეზიაში ახალგაზრდა მუსულმანი გოგონებისთვის სილამაზის კონკურსი გაიმართება. Miss Muslim World 18 სექტემბერს გამოვლინდება და ის ფულად ჯილდოდ დაახლოებით 1600 ევროს მიიღებს. 
• ახალი სასწავლო წლის დადგომასთან დაკავშირებით, ივ. ჯავახიშვილის სახელობის თბილისის სახელმწიფო უნივერსტეტში განათლებისა და მეცნიერების მინისტრმა, კათოლიკოს-პარტიარქმა  და თსუ-ს ახალმა რექტორმა, ლადო პაპავამ სტუდენტებს სიტყვით მიმართეს. მინისტრმა თავის სიტყვაში სტუდენტებს უთხრა, რომ საუკეთესო მათ ცხოვრებაში უკვე მოხდა, პარტიარქმა ისინი დალოცა: – “ძვირფასო სტუდენტებო, პატრიარქმა დაგვლოცა, ამაზე კარგი რა უნდა გვენატრა დღეს?! მინდა მოგილოცოთ დღევანდელი დღე, თქვენი წარმატება არის ჩვენი წარმატება და ჩვენი წარმატება არის ქვეყნის წარმატება. განათლების სამინისტრო, იცოდეთ, რომ თქვენს გვერდით დგას. გისურვებთ იყოთ აქტიურად ჩართულები იმ ჯანსაღი საგანმანათლებლო გარემოს ჩამოყალიბებაში, რომელიც ასე ძალიან გვჭირდება დღეს”. მინისტრი სტუდენტებთან გამოსვლისას მზეს ქოლგის ქვეშ ემალებოდა.

  ფოტო: – netgazeti

   იმ სტუდენტებმა კი, რომლებმაც მინისტრის პათოსი ვერ გაიზიარეს, აქცია გამართეს სახელწოდებით – “სპილო ოთახში – პრობლემები თსუ-ში”, სადაც ისინი სწავლის ხარისხის გაუმჯობესებას და არსებული პრობლემების მოგვარებას ითხოვდნენ.

• ქოლგა არა მხოლოდ განათლების ახალი მინისტრის თანმხლები ატრიბუტი აღმოჩნდა. 15 სექტემბერს, ბათუმის საავტორო კინოფესტივალის გახსნის ცერემონიალზე ასევე ქოლგით გამოცხადდა აჭარის უმაღლესი საბჭოს  თავმჯდომარე, ავთანდილ ბერიძე.

  ფოტო – netgazeti

• 112 წლის ასაკში გარდაიცვალა დედამიწის ყველაზე უხუცესი მამაკაცი – ესპანელი- Salustiano Sanchez Blazquez, რომელიც მთამსვლელი და მუსიკოსი იყო. მას ორი შვილი, 7 შვილიშვილი, 15 შვილთაშვილი დარჩა.  

გოგონა, პოლანსკის ჩრდილ ქვეშ

September 16, 2013, 7:03 am

≫ Next: კარლა ბრუნი – Bulgari-ს სახე

≪ Previous: ქოლგიანი მთავრობა

$

0

0

30 წელიწადზე მეტი გავიდა მას შემდეგ, რაც ლეგენდარულმა რეჟისორ რომან პოლანსკის სამანტა გეიმერმა გაუპატიურების გამო უჩივლა. მიუხედავად იმისა, რომ ქალის ამ ნაბიჯით მოძალადის დასჯაზე მეტად პოპულარობის მიღწევას გეგმავდა, 1977 წლიდან დღემდე დიდი არაფერი შეცვლილა მის ცხოვრებაში, მისი სახელი ისევ ერთეულებმა იციან, პოლანსკი კი მსოფლიო კინოს ვარკვლავია.   80 წლის პარიზში მცხოვრებ რეჟისორთან თავისი ურთიერთობის კიდევ ერთხელ გასახსენებლად, სამანტამ ავრობიოგრაფიული რომანი დაწერა, რომელიც ამერიკულ წიგნის მაღაზიებში ხვალიდან გამოჩნდება, ევროპაში კი ოქტომბრიდან გაიყიდება. 

ინციდენტის დროს სამანტა მაიერი 13 წლის იყო, შესაბამისად, პოლანსკის წინააღმდეგ წაყენებულ ბრალს მისი ასაკი დამამძიმებელ გარემოებად დაემატა და პედოფილიაში ბრალდებულობის გამო ის იძულებულია უარი თქვას ამერიკაში ჩასვლაზე, სადაც დაპატიმრება ემუქრება.  მიუხედავად მოლოდინისა, მაიერი თავის რომანში, რომელსაც “გოგონა, რომელმა პოლანსკის ჩრდილში იცხოვრა” ქვია, პოლანსკის უარყოფით კონტექსტში თითქმის არ იხსენიებს.

წიგნის შეძენა ამაზონზე უკვე შესაძლებელია.

კარლა ბრუნი – Bulgari-ს სახე

September 16, 2013, 7:22 am

≫ Next: ირანში სოციალურ ქსელებზე შეზღუდვა გაუქმდა

≪ Previous: გოგონა, პოლანსკის ჩრდილ ქვეშ

$

0

0

საფრანგეთის ყოფილი პირველი ლედი, რომელმა მოდელის კარიერა 19 წლისამ დაიწყო, ხანგრლივი პროფესიული პაუზის შემდეგ, 45 წლის ასაკში  Bulgari-ს სარეკლამო სახე გახდა. იტალიური აქსესუარების სახლის განცხადებით, მათ არჩევანი კარლაზე მისი იდუმალი მშვენიერებისა და ექსკლუზიური სტილის გამო გააკეთეს. 

---

ირანში სოციალურ ქსელებზე შეზღუდვა გაუქმდა

September 17, 2013, 3:27 am

≫ Next: ლოდინი –ოჯახური ისტორიები

≪ Previous: კარლა ბრუნი – Bulgari-ს სახე

$

0

0

ირანელი ინტერნეტმომხმარებლების ინფორმაციით შეზღუდვა Facebook-სა და Twitter-ზე, რომელიც რეჟიმის მიერ იყო დაწესებული, რამდენიმე დღეა მოხსნილია. ირანელები აკრძალულ საიტებზე შესვლას მხოლოდ ფილტრსაწინააღმდეგო ინსტრუმენტების გამოყენებით ახერხებდნენ. 

ირანელი ინტერნეტმომხმარებლები იმედს გამოთქვამენ, რომ შეზღუდვის მოხსნა დროებითი არ არის და სოციალურ ქსელებზე თავისუფალი წვდომა მათ ამიერიდან შეუფერხებლად შეეძლებათ.

Facebook-ი შეზღუდვების მიუხედავად, ირანში ყველაზე პოპულარული სოციალური ქსელია. მას აქტიურად იყენებს მთავრობის რამდენიმე წარმომადგენელიც.

 

 

ლოდინი –ოჯახური ისტორიები

September 17, 2013, 4:20 am

≫ Next: გოგრის მაფინები

≪ Previous: ირანში სოციალურ ქსელებზე შეზღუდვა გაუქმდა

$

0

0

რუსი ფოტოგრაფის, ჟანა რომანოვას ფოტოსერია “ლოდინი” 40 ამბავს ყვება ოჯახებისას, რომლებიც ახალ წევრს ელოდებიან. 40 შერჩეულია კვირათა რაოდენობის მიხედვით, რაც ნაყოფს დედის მუცელში ყოფნისთვის ჭირდება.  თითოეულ ფოტოზე ასახულია მძინარე წყვილი – კაცი & ორსული ქალი . ფოტოები გადაღებულია ადრე დილით, როცა როგორც ჟანა ამბობს, ადამიანები ყველაზე ნაკლებად ზრუნავენ, როგორ გამოიყურებიან და როგორია მათი საცხოვრებელი სივრცე. ასეთი გარემო საუკეთესოა იმის დასანახად, რა დამოკიდებულებაა ადამიანებს შორის რეალურად. ფოტოების უმეტესობა შაბათ-კვირას დილის 5-6 საათზეა გადაღებული, ანუ მაშინ, როცა შეგიძლია თავს მშვიდად ძილის უფლება მიცე და სამსახურში არ გეჩქარება. 

ფოტოგრაფი ამბობს, რომ ის ფოტოსესიის იდეამდე მას შემდეგ მივიდა, რაც რამდენიმე წლის წინ, მისი ყველა მეგობარი ერთად აღმოჩნდა ოჯახურ ცხოვრებაში ჩაბმული. ორსული მეგობრების სალაპარაკო თემა ძირითადად საყიდლები, სახლის მოწყობა, მათი მდგომარეობისდან გამომდინარე სირთულეები იყო. “პრობლემების გადაჭრას ყოველთვის ფოტოების საშუალებით ვცდილობ, ამიტომ გადავწყვიტე გამეკეთებინა პროექტი ორსული ქალების ცხოვრებაზე.” 

გარდა მეგობრებისა, ჟანას ობიექტივის ქვეს მოხვდნენ ადამიანები, რომლებიც ინტერნეტსივრცეში გამოთქვეს სურვილი პროექტში მონაწილეობაზე.

“პროექტზე მუშაობის შემდეგ მივხვდი, რომ ყველა წყვილი, ვინც გადავიღე, 20-დან 30 წლამდე ადამიანები იყვნენ, დაბადებულები საბჭოთა კავშირში, მათი შვილები კი იქნებოდნენ ადამიანები, რომლებიც იმ ქვეყნის შესახებ მხოლოდ წიგნებიდან გაიგებენ. ასე გამოვიდა პროექტი არა მხოლოდ მძინარე წყვილების შესახებ, არამედ ახალგაზრდა ოჯახების კატალოგი, რომლებიც დიდ, თანამედროვე ქალაქში ცხოვრობენ.”

Click to view slideshow.

გოგრის მაფინები

September 18, 2013, 1:10 am

≫ Next: ყვითელი კაბა სანაპიროზე

≪ Previous: ლოდინი –ოჯახური ისტორიები

$

0

0

შემოდგომის დადგომასთან ერთად გოგრით მომზადებული კერძები აქტუალური ხდება. უაღრესად სასარგებლო პროდუქტი გამოიყენება როგორც წვნიანების, ასევე ტკბილეულობის მოსამზადებლად. გოგრის მაფინების რეცეპტი Foodography-სგან.

მასალა:

• 200 გრ მოხარშული გოგრის რბილობი (ჩანგლით დაჭყლეტილი);
• 2 კვერცხი;
• 170 გრ ყავისფერი შაქარი;
• 170 გრ ფქვილი;
• 1/3 ჭიქა ზეითუნის ზეთი;
• 1 ჩ.კ დარიჩინი;
• 1 ს.კ გამაფხვიერებელი;
• 1/2 ჭიქა დაჭრილი ნიგოზი;
• მწიკვი მარილი.

მომზადება:
გააცხელეთ ღუმელი 180 გრადუსზე.
ათქვიფეთ კვერცხი და შაქარი, დაუმატეთ ზეთი, გააგრძელეთ თქვეფა, შემდეგ გოგრის რბილობი.
მეორე ჯამში აურიეთ ფქვილი, საფხვიერებელი, მარილი და დარიჩინი.
მშრალი ინგრედიენტები გადაიტანეთ პირველ ჯამში და ხელით აურიეთ, როდესაც ფქვილი შეერევა შეწყვიტეთ მორევა. მსუბუქად შეურიეთ ნიგოზი.

ცხიმწასმულ მაფინის ფორმაში გადაანაწილეთ ცომი, 10-12 მაფინი გამოგივათ. აცხვეთ მინიმუმ 20 წუთი, მზაობა შეამოწმეთ ხის ჩხირით.

ყვითელი კაბა სანაპიროზე

September 19, 2013, 5:19 am

≫ Next: ილიაუნის თეატრი მინსკის თეატრალური ფესტივალის მონაწილეა

≪ Previous: გოგრის მაფინები

$

0

0

საზღვაო სეზონის მიწურულს ზაფულის უცვლელი ატრიბუტი – ფრიალა კაბები და მსუბუქი სამოსი კვარიათის სანაპიროდან. 

ფოტოები – გურამ კაპანაძე

 

კვარიათი

 

კვარიათი

 

კვარიათი

 

 

 

ილიაუნის თეატრი მინსკის თეატრალური ფესტივალის მონაწილეა

September 19, 2013, 5:33 am

≫ Next: ჩემი, ჩვენი გრძელი და ნათელი დღეები…

≪ Previous: ყვითელი კაბა სანაპიროზე

$

0

0

ილიაუნის თეატრი მინსკის საერთაშორისო თეატრალურ ფესტივალში მიიღებს მონაწილეობას.  მინსკის საერთაშორისო ახალგაზრდული თეატრალური ფესტივალი „თეატრალური კუფარა (თეატრალური ზარდახშა)“  22-29 სექტემბერს გაიმართება.  

მინსკის საერთაშორისო თეატრალურ ფესტივალს ათი წელი უსრულდება. ფესტივალში საქართველოსთან ერთად მონაწილეობას მიიღებენ ახალგაზრდები ესპანეთიდან, რუსეთიდან, სლოვენიიდან, ლატვიიდან, ესტონეთიდან, მაროკოდან და ა.შ.

ფესტივალის მთავარი მიზანი ხელოვნების მეშვეობით ახალგარზდების დაახლოება და გამოცდილების გაზიარებაა. თეატრალურ ფესტივალზე ახალგაზრდებისათვის ტარდება მასტერკასები, ტრეინინგები და დისკუსიები, სადაც სტუდენტები ერთად აფასებენ სპექტაკლებს; ფესტივალის პარალელურად ახალგაზრდა რეჟისორები და მსახიობები ერთად მუშაობენ წარმოდგენაზე, რომელიც „თეატრალური ბაზრობის“ საზეიმო დახურვაზე გაიმართება.

ილიაუნის თეატრი ფესტივალზე 27 სექტემბერს  სპექტაკლით, „არიქა და ვარიქა“ წარსდგება. სპექტაკლის სიუჟეტი აგებულია ცნობილი ქართული სიმღერების  ტექსტების მიხედვით. ახალგაზრდა მსახიობები ქართული ხალხური და პოპულარული სიმღერების საშუალებით წარმოგვიდგენენ სტუდენტურ ცხოვრებას ილიას სახელმწიფო უნივერსიტეტში. ერთმოქმედებიანი თეარალიზებული კონცერტის რეჟისორები არიან: ოთარ ეგაძე და თიკო ლუტიძე.